✈️ VJENË ✨ Nisje: • 5 Dhjetor • 24 Dhjetor • 1 Janar • 2 Janar

Takimi në aeroportin e Tiranës me shoqëruesin 3 orë përpara fluturimit.
Fluturimi direkt Tiranë – Vjenë . (1 ore : 10 Min)
Fillojmë vizitën panoramike të kryeqytetit austriak, një prej qyteteve më elegante të Europës. Gjatë turit do të admirojmë bulevardin e famshëm Ringstrasse, Operën Shtetërore të Vjenës, Parlamentin Austriak, Bashkinë e Qytetit dhe Pallatin Hofburg, dikur rezidenca e familjes perandorake Habsburge.
Vazhdojmë me një shëtitje në qendrën historike të qytetit, ku do të zbulojmë Katedralen madhështore të Shën Stefanit, rrugën elegante Graben dhe sheshin Stephansplatz, të zbukuruar me ndriçimet festive.
Mbrëmja – Vizitë në Christmas Market
Vizitë në tregun tradicional të Krishtlindjeve në Rathausplatz, një nga më të famshmit në Europë. Mes shtëpizave prej druri, dekorimeve festive dhe aromave të kanellës, do të kemi mundësinë të shijojmë specialitete tradicionale austriake, çokollatë të ngrohtë dhe atmosferën magjike të festave.
Kohë e lirë për darkë dhe blerje suveniresh.
Transferimi në hotel dhe akomodimi.
Fjetja në Vjenë.

Mëngjesi në hotel dhe check-out. Vendosja e bagazheve në autobus.
Nisja për të zbuluar një tjetër anë të Vjenës.
Vizitojmë Hundertwasserhaus, ndërtesën e famshme me arkitekturë shumëngjyrëshe dhe forma të pazakonta, një prej atraksioneve më fotografike të qytetit.
Vazhdojmë drejt parkut të njohur Prater, ku ndodhet Riesenrad, rrota gjigante historike e Vjenës, një nga simbolet më të dashura të qytetit. Mundësi për një xhiro panoramike (opsionale).
Më pas rikthehemi në qendrën e qytetit për kohë të lirë. Mundësi për të vizituar dyqanet elegante, për të shijuar një drekë tradicionale austriake ose për të kaluar disa orë në kafenetë historike të Vjenës.
Pasdite, kohë e lirë për shopping dhe shëtitje individuale.
Transferimi drejt Aeroportit të Vjenës.
Kalimi i procedurave doganore dhe nisja për në Tiranë me fluturim direkt (1 ore : 15 min)