✈️ LIQENI KOMO – LUGANO – MILANO ✨ Nisje: • 15 Maj

Mëngjesi në hotel.

Nisja me autobus për në Liqenin Como, liqeni i tretë më i madh në Itali dhe një nga destinacionet më romantike dhe piktoreske në Evropë. I vendosur në rrëzë të Alpeve, liqeni ofron peizazhe mahnitëse, ndërthurje të natyrës me arkitekturën elegante dhe një atmosferë unike relaksi. Forma e tij karakteristike në trajtë “Y-je” të përmbysur vjen si rezultat i shkrirjes së akullnajave dhe veprimit të lumit Adda.

Mbërritja në qytetin e Comos, një nga pikat kryesore të liqenit. Vizitë në qendrën historike, ku do të shijojmë rrugicat mesjetare, sheshet karakteristike dhe atmosferën autentike italiane. Vizitohen:

• Katedralja e Comos (Duomo), një nga më të bukurat në Lombardi
• Qendra historike me dyqane tradicionale dhe tregje lokale
• Bulevardi buzë liqenit, ideal për shëtitje dhe foto panoramike
• Tempulli i Alessandro Volta dhe parku përreth Villa Olmo (vizitë e jashtme)

Mundësi (opsionale) për të marrë teleferikun për në Brunate, për të shijuar pamje spektakolare nga lart mbi liqen dhe qytet.

OPSIONALE – Lundrim në Liqenin Como (rreth 15€ / person, paguhet në vend)
Një eksperiencë e rekomanduar për të zbuluar bukurinë e plotë të liqenit, në shoqërinë e guidës:

• Cernobbio – ndalesa e parë, qytet elegant i njohur për vilat luksoze si Villa d’Este, Villa Erba, Villa Pizzo dhe Villa Bernasconi, të rrethuara nga kopshte të mrekullueshme
• Bellagio – “perla e liqenit Como”, një nga qytetet më të bukura në Itali. Shëtitje në qendrën plot jetë me rrugica shumëngjyrëshe, vizitë në Parkun e Villa Serbelloni dhe Kopshtet e Villa Melzi
• Shëtitje në zonat karakteristike Pescallo dhe San Giovanni, që ruajnë sharmin autentik
• Ndalesë në Punta Spartivento, për pamje të jashtëzakonshme mbi tre degët e liqenit dhe zonën përreth

Për klientët që nuk zgjedhin opsionin e lundrimit, pas vizitës së qytetit të Comos me guidën, kohë e lirë për shëtitje, kafe apo shopping.

Në përfundim të programit, kthimi me autobus në hotel.