PROGRAMI I DETAJUAR

Dita 1: BUDAPEST

Takimi me shoqëruesin e grupit 2 orë përpara fluturimit për t’u prezantuar dhe në orën 07:05 nisemi me fluturim direkt nga Aeroporti i Tiranës në Budapest të Hungarisë. Mbërritje në Aeroportin e Budapestit në orën 08:35.
Pas procedurave aeroportuale, fillojmë vizitën në shoqërinë e guidës të Budapestit nga Sheshi i heronjve, ku do të njihemi me figurat kryesore të kombit hungarez. Do të shëtisim edhe do kalojmë nga Kështjella e Vajdahunyad si dhe Banjot Termale Szechenyi.
Do të vazhdojmë në bulevardin qëndror, i cili njihet si ‘’Champs Elysees’’ e Budapestit, rruga Andrassy Utsa. Dhe do të ndalemi tek Parlamenti i Hungarisë , i cili është padiskutim godina më e bukur e një parlamenti në botë. Do të shëtisim prej andej tek Sheshi i Lirisë  ku gjendet monumenti Sovjetik, si dhe shtatorja e Ronald Regan, për të vazhduar tek Bazilika e Shën Stefanit si dhe tek Sheshi i Istvan Szechenyi ku gjenden Akademia e Shkencave Hungareze, Pallati Gresham si dhe Ura e Luanëve, e cila është ndërtuar nga një familje Voskopojare.
Pas vizitave kthimi ne hotel
Në mbrëmje lundrojmë në lumin Danub, për të shijuar një spektakël dritash që të ofron vizita e Budapestit nga këndvështrimi në anijen turistike.
Fjetja në Budapest.

Dita 2: BRATISLAV – PRAGË

Mëngjesi në hotel.
Paradite do të nisemi drejt Pragës
Ndalesë gjatë rrugës në Bratislavë, për të vizituar kryeqytetin e Sllovakisë.
Mbërritja në mbremjë në Pragë dhe akomodimi ne hotel.
Fjetia në Pragë

Dita 3: PRAGË

Pas mëngjesit do te nisemi të vizitojmë Qytetin e Vjetër të Pragës duke filluar me rrugën Parizka, e cila është rruga më turistike, përgjatë të cilës ndodhet dhe lagjia Çifute. Kjo lagje ka një histori shumë të vjetër dhe interesante e cila lidhet kryesisht me komunitetin Çifut, të vendosur në këtë zonë që në periudhën e mesjetës. Një nga Sinagogat më të vjetra në Europë ndodhet pikërisht në këtë lagje. Do të vazhdojmë përgjatë Bulevardit Parizka deri në Sheshin e Qytetit të Vjetër, i cili është një nga më të mëdhenjtë dhe më të bukurit në Europë, fillimet e të cilit si një shesh tregëtar janë regjistruar që në shek. 12-të. Për tu vizituar janë Bashkia e Qytetit të Vjetër me kullën ku ndodhet ora Astronomike, Kisha e Shën Marisë, Pallati i Koncerteve është një ndërtesë shumë interesante dhe gjithashtu Urën e famshme të Charlsit e cila është e zbukuruar nga 30 statuja të stileve të ndryshme.
Vizitat përfundojnë në Lagjen Vysheherad ku vizitohet Kisha e Vysheheradit si dhe Muzeumi Kombëtar i Pragës.
Mbrëmje e lirë.
Fjetie në Pragë.

Dita 4: PRAGË – VIENË

Mëngjesi në hotel.
Pas mëngjesit nisja drejt Vienës.
Ndalesa rrugës për pushime.
Mbërritja në Viene dhe vizitë në Pallatin e Shonbrun-it, pallati mbretëror ku kanë jetuar familja mbretërore e Habsburgëve, shumë i ngjashëm me Pallatin e Versajës.
Transferta në hotel. Mbrëmje e lirë.
Fjetja në Vienë.

Dita 5: VIENË

Pas mëngjesit do të fillojmë me vizitën e Qytetit. Itinerari i këtij turi do të filloje nga Kisha Votive, dhe do të vazhdojë me Bashkinë e re, Teatrin e Hofburgut , Parlamentin, Sheshin Maria Tereza me 2 ndërtesat e mrekullueshme identike që mbajnë Muzeun e Artit dhe Muzeun e Historisë Natyrore, dhe do të përfundojmë tek Opera, që është një nga ndërtesat simbol të Vienes, për të vazhduar me vizitat e qytetit nga Pallati i Belvederes me 2 ndërtesat madhështore dhe kopshtet franceze. Pas Belvederes do të vizitojme Kishën e Karlit, një nga më të bukurat e stilit Barok.
Vazhdimi i vizitave në Katedralen e Shën Stefanit, një nga simbolet e qytetit, një nga ndërtesat Gotike më të rëndësishme, dhe padyshim qendra Fetare më e rëndesishme në Austri. Vizitë e Basilikes brenda dhe jashtë.
Pasdite transferta për në aeroportin e Vienës.
Nisja e fluturimit në orën 23:20 dhe mbërritja në Tiranë në orën 00:50.

.